ТӨРИЙН ДЭЭД ОДОН МЕДАЛЬ ГАРДУУЛАН ӨГӨХ ЁСЛОЛЫН АЖИЛЛАГАА БОЛЛОО

Улаанбаатар хот үүсэн байгуулагдсаны 381 жилийн түүхт ойн өдрийг тохиолдуулан өнөөдөр эрхэлсэн салбартаа олон жил үр бүтээлтэй ажилласан иргэдэд Монгол Улсын Ерөнхийлөгчийн зарлигаар төрийн дээд одон, медаль гардууллаа.

Шагналыг дүүргийн ИТХ-ын дарга П.Нарантуяа, Засаг даргын орлогч С.Тунгалаг, ЗДТГ-ын дарга Ж.Алтангэрэл нар гардуулан өгч баяр хүргэлээ.

Дүүргийн ИТХ-ын дарга П.Нарантуяа мэндчилгээндээ “Нийслэлийн 381 жилийн ойг тохиолдуулан эрхэлсэн ажилдаа амжилт гарган, Улаанбаатар хотынхоо хөгжил, цэцэглэлтийн төлөө ажил хөдөлмөрөө зориулж, салбар салбартаа өөрийн үнэтэй хувь нэмрийг оруулсан та бүхэндээ талархал илэрхийлье” хэмээлээ.