2025 ОНЫ 10 ДУГААР САРЫН 22-НЫ ӨДРИЙН ДҮҮРГИЙН УДИРДАХ АЖИЛТНУУДЫН ШУУРХАЙ ЗӨВЛӨГӨӨН ДЭЭР ӨГСӨН ҮҮРЭГ ДААЛГАВАР

1. Нийслэлийн Удирдах ажилтнуудын шуурхай зөвлөгөөнөөс 2024, 2025 онуудад өгсөн бүх үүрэг даалгаврын хэрэгжилтийг гаргаж, удаашралтай байгаа ажлуудын шалтгаан нөхцөлийг танилцуулах. /Төрийн захиргааны удирлагын хэлтэс, нийт байгууллагууд/

Хяналт тавих албан тушаалтан: Дүүргийн Засаг даргын Тамгын газрын дарга Г.Бат-Очир

2.Газар чөлөөлөлтийн ажлыг эрчимжүүлж ажиллах. /Хотын стандарт, тохижилт нийтийн аж ахуйн хэлтэс, Газар зохион байгуулалтын алба/

Хяналт тавих албан тушаалтан: Дүүргийн менежер С.Ялалт

3. Дүүргүүд өөрсдийн нутаг дэвсгэр дэх явган замыг цэвэрлэх ажлыг эрчимжүүлэх. Хүнс, худалдаа үйлчилгээний хэлтэс, 8 хорооны Засаг дарга нар/

Хяналт тавих албан тушаалтан: Дүүргийн менежер С.Ялалт

4. Давс, бодис нөөцлөх ажлыг эрчимжүүлж, аж ахуйн нэгж, байгууллагууд хариуцсан талбайн цас, мөсийг тухай бүр шуурхай цэвэрлүүлж, халтиргаа гулгаа үүсгэхгүй байхад анхаарч ажиллах. /Хүнс, худалдаа үйлчилгээний хэлтэс, “Налайх Тохижилт” үйлчилгээ ОНӨААТҮГ/

Хяналт тавих албан тушаалтан: Дүүргийн менежер С.Ялалт

5. Сурагчдын бие даалт, амралтын өдрүүдэд угаарын хийн хордлого, гал түймрийн аюул, осол болон бусад гэмт хэрэг, зөрчлөөс урьдчилан сэргийлэх, сэрэмжлүүлэх ажлыг зохион байгуулах. /Нийгмийн хөгжлийн хэлтэс, Боловсролын хэлтэс/

Хяналт тавих албан тушаалтан: Дүүргийн Засаг даргын орлогч Ж.Мягмарсүрэн

6. Гэр бүлийн хүчирхийллээс урьдчилан сэргийлэх чиглэлээр цогц арга хэмжээ авч ажиллах. /Нийгмийн хөгжлийн хэлтэс, Цагдаагийн хэлтэс/

Хяналт тавих албан тушаалтан: Дүүргийн Засаг даргын орлогч Ж.Мягмарсүрэн

7. “Хотула” аппликейшний үйл ажиллагаа, хөгжүүлэлтийг жигдрүүлж, нийслэлийн байгууллагуудын удирдлага, албан хаагч нар хэрэглэж хэвших, мэдээлэл солилцдог байх. / Хүнс, худалдаа үйлчилгээний хэлтэс, 8 хорооны Засаг дарга нар/

Хяналт тавих албан тушаалтан: Дүүргийн Засаг даргын орлогч Ж.Мягмарсүрэн

8. Хагас кокосжсон шахмал түлшний нөөц бүрдүүлэлтийг нэмэгдүүлэх ажлыг шуурхай зохион байгуулах. / Хүнс, худалдаа үйлчилгээний хэлтэс, 8 хорооны Засаг дарга нар/

Хяналт тавих албан тушаалтан: Дүүргийн Засаг даргын орлогч Ж.Мягмарсүрэн

9. Угаарын хийн хордлогоос урьдчилан  сэргийлж, айл өрхүүдийн угаарын хий мэдрэгчийг ажиллуулж, иргэд, олон нийтэд сурталчлах. /Хүнс, худалдаа үйлчилгээний  хэлтэс, 8 хорооны Засаг дарга нар, Цагдаагийн хэлтэс/

Хяналт тавих албан тушаалтан: Дүүргийн менежер С.Ялалт

10. Нийтийн байрнуудад хяналт шалгалтыг зохион байгуулах. /Хүнс, худалдаа үйлчилгээний  хэлтэс, 8 хорооны Засаг дарга нар, Цагдаагийн хэлтэс/

Хяналт тавих албан тушаалтан: Дүүргийн менежер С.Ялалт

11. Дүүргүүд камерын хяналтын дэд төвүүдээр автозам, явган замын халтиргаа гулгааг тогтмол хянах, зөрчлийн талаар мэдээлж байхаар журамлах. /Хотын стандарт тохижилт нийтийн аж ахуйн хэлтэс, Налайх Тохижилт үйлчилгээ ОНӨААТҮГ/

Хяналт тавих албан тушаалтан: Дүүргийн менежер С.Ялалт